Virðingarvert

Það ber að virða það við Björgólf Thor Björgólfsson að hann ætli að láta allan arð af fyrirtækjum ranna til þess að gera upp skuldasúpuna. Hann sýnir með þessu ábyrgð sem aðrir mættu taka sér til fyrirmyndar.

Fleiri útrásarvíkingar svokallaðir mættu sýna svipaða ábyrgð og að minnsta kosti láta örlítið af gorgeirnum sem enn þjakar suma þessara manna. 

Venjulegt fólk kann yfirleitt að meta auðmýkt og iðrun; gorgeir og hroki gerir aðeins illt verra. 

Athugasemdir

[JR (IP-tala skráð) 21.7.2010 kl. 23:34]

Ómar !

Núna félstu á prófinu !

Þetta er ,,krani"  !

 http://blog.eyjan.is/gunnaraxel/2010/07/21/meiri-krani/

[Guðmundur Ingi Kristinsson (IP-tala skráð) 22.7.2010 kl. 00:15]

Sammála Ómar. Annað en Litli- Bónus sem er búinn að láta 45.000.000.000 krónur lenda á þeim sem lánuðu honum í þeim fyrirtækjum sem nú þeger er búið að gera upp og kröfuhafar vart byrjaðir. Til dæmis heiðra skaltu föður þinn og móðir ; móðir hans í ábyrgð fyrir 63.000.000.000. og faðir hans fyrir 62.000.000.000. Al Capone en eins og kórdrengur í samanburði,en talið er að hann hafi stolið um 1.000.000.dollara á sínum tíma sem með verðbótum er klínk í samanburði við það sem Okkar maður gerði og sumir kalla mesta efnahagsglæp í heiminum eftir seinni heimsstirjöld.

[Hólmfríður Bjarnadóttir, 22.7.2010 kl. 00:39]

Ef þetta er próf þá hefur Ómar staðist það. Málefnalega fjallað um hlutina og ég er meira að segja sammála honum.

[Þráinn Jökull Elísson, 22.7.2010 kl. 01:24]

Ætlar hann kannski að borga Icesave skuldina líka?

[ASE (IP-tala skráð) 22.7.2010 kl. 01:56]

Verð að viðurkenna eins og oft áður þá eru íslenskar fréttir mjög hroðvirknislega unnar.  En alls ekki viss um að þú hafir skilið málið rétt :-o  Sýnist kappinn hafa komist að mjög góðum "deal" fyrir sig, svona m.v. aðstæður, alla vega ef skil þessar óskýru fréttir af fréttatilkynningunni rétt.  En kannski á maður ekki að tjá sig um svona mál fyrr en komið endanlega á hreint hvað þetta í raun þýðir, þannig virðist það yfirleitt vera á Íslandinu góða.... fátt er eins og það sýnist við fyrstu sýn þessi misserin :-o

[Marta B Helgadóttir, 22.7.2010 kl. 15:04]

Ég er sammála því að BTB er að sýna lit þarna til að leita sátta við sína lánardrottna og þá um leið við ímynd sína hjá íslensku þjóðinni.

Íslenskir fréttamenn mættu hinsvegar spyrja spurninga!

 Hvað ef það verður enginn arfur? Hvað ef það verður enginn söluhagnaður?  

[Hilmar Þór Hafsteinsson (IP-tala skráð) 22.7.2010 kl. 18:23]

Það er líka afskaplega virðingarvert hjá þér að trúa spunanum í blaðafulltrúa BTB - eins og nýju neti. BTB ætlar og ætlar og ætlar. BTB hefur orðið ber að gróteskum lygum og engin ástæða til að trúa honum núna. Þessi maður er best geymdur bak við lás og slá.

[Daníel (IP-tala skráð) 22.7.2010 kl. 21:19]

Af hverju er Björgólfur Thor að senda svona tilkynningu út í samfélagið. Varðar okkur nokkuð um það í hvaða persónulegum skuldum hann er? Maðurinn neitar að bera sameiginlega ábyrgð á því efnahagstjóni sem hann, faðir hans og þeirra pótentátar í Landsbankanum, ullu í bankanum. Í dag er verið að velta þeirra skuldafjötrum yfir á samfélagið. Ekki láta glepjast af fagurgala þessa manns. Björgólfur er ekki að gera neitt upp við samfélagið nú þegar hann er að losa sig út úr persónulegum skuldum sínum.