Gott hjá Össuri

Össur Skarphéðinsson er sennilega eini stjórnmálaforinginn á Vesturlöndum sem hefur komist skammlaust frá drápinu á Osama bin Laden. Hann hefur hafnað því að gleðjast yfir slátruninni. Það er í anda þess umburðarlyndis og mannkærleika sem okkur er sagt að sé grundvöllur hins kristilega menningararfs Evrópumanna (og þar með Bandaríkja Norður Ameríku).

Mig hefur oft undrað hversu grunnt er á blóðþorsta og hefnigirni hjá fólki sem er sprottið upp úr þessum sama jarðvegi. Þetta virðist sérstaklega algengt hjá Bandaríkjamönnum sem hrópa á hefndir og blóðugar refsingar fyrir hvaðeina – enda eru hvergi á byggðu bóli hlutfallslega jafn margir íbúar í tugthúsi, oft fyrir litlar sakir. Þetta sama fólk ákallar í sömu andránni sjálfan Krist – þennan sem benti fólki á að bjóða fram hinn vangann í stað þess að leita hefnda. Það er einhver furðuleg þversögn í þessu.

Hefnd er ljót, fyrirgefningin er fögur.

Osama bin Laden átti sjálfsagt ekkert gott skilið – en það er engu að síður ósmekklegt að halda partí til að fagna drápinu.

Gott hjá Össuri. 

Athugasemdir

[Ómar Valdimarsson, 3.5.2011 kl. 22:20]

Já, gott hjá Össuri - en þeim mun verra hjá Ameríkönum sem drápu manninn með köldu blóði. Nú hefur nefnilega komið í ljós að bin Laden var óvopnaður gegn þungvopnuðu liði amerískra hermanna. Í stríði er bannað að drepa óvopnað fólk. Það er því níðingsverk, sama hver í hlut á, og út í hött af Bandaríkjastjórn að tala um að "réttlæti" hafi verið fullnægt. Þeir eru ekkert betri en hann.

[Sigurður Þór Guðjónsson, 3.5.2011 kl. 22:41]

Það voru líka börn sem voru aðsjáandi.

[Che, 3.5.2011 kl. 22:44]

En ef augnaráð gætu drepið, þá væru allir sérsveitarmennirnir dauðir. Er það ekki næg ástæða?

"If looks could kill, it would've been us instead of him"  (Beatles)

[Óskar Þorkelsson, 4.5.2011 kl. 10:12]

ég heyrði í útvarpinu hér í noegi í morgun að amerikananar aðhyllast hefnd gamla testamentisins á meðan evrópubúðar aðhyllast mildi nýja testamentisins.. mér persónulega finnst kanar líkjast talibönum mest :)

[Che, 4.5.2011 kl. 11:19]

"... mér persónulega finnst kanar líkjast talibönum mest :)"

Mér finnst íslenzkir femínistar líkjast talibönum mest.