Aðförin að biskupi

Tilkynning Karls biskups um að hann hyggist láta af embætti á sumri komanda kemur ekki á óvart. Það var búið að hrekja hann út í horn. Að stórum hluta voru árásirnar á biskupinn ósanngjarnar, eins og séra Karl lýsti réttilega í fréttum í kvöld.

Þar áttu þátt jafnt óbreyttir liðsmenn Þjóðkirkjunnar (og utan hennar) sem tækifærissinnar úr prestastétt sem stukku á vagninn og spörkuðu í liggjandi mann.

Ekki er ég þeirrar skoðunar að Karl biskup hafi gert allt rétt í embætti – en aðförin gegn honum er þeim mun raunalegri vegna þess sem hann gerði rétt: enginn maður innan Þjóðkirkjunnar hefur gert meira en séra Karl Sigurbjörnsson til að skapa ákveðinn og sanngjarnan farveg fyrir kynferðisbrotamál kirkjunnar þjóna. Enginn.

 

Athugasemdir

[Helga Kristjánsdóttir, 13.11.2011 kl. 00:24]

    Góður! fyrsta sanngjarna færslan,sem ég hef séð,um þetta mál.

[Sigurður Alfreð Herlufsen, 13.11.2011 kl. 01:29]

Takk fyrir að nefna þennan flöt á máli Karls biskups.

Hann hefur verið góður biskup að mínum dómi.

Það er meira en að segja það að fá í fangið svona óvenjulegt og erfitt mál eins og Ólafs biskups fárið.

Ég vil þakka Karli biskup fyrir hans þjónustu. Mér féll mjög vel við hann frá fyrstu tíð, er hann var kosin í embættið.

[K.H.S., 13.11.2011 kl. 03:41]

Ég er mikið sammála þér að öllu leiti Ómar, nema því að biskupinn hafi verið liggjandi. Hann stóð af sér élin  og mun gera áfram þó hann kjósi að hverfa úr forystu að vori.  Takk fyrir innleggið og bestu kveðjur.

[Tryggvi Marteinsson (IP-tala skráð) 13.11.2011 kl. 18:49]

Alveg hárrétt Ómar og ég vil benda á blogg sem ég skrifaði 30.október sl.

Séra Karl biskup íslands hefur alveg rétt fyrir sér eins og svo oft áður. Það er öllu snúið á hvolf hér á landi. Þegar nokkrir glæpamenn settu ísland á hausinn voru þeir ekki teknir fyrir. Nei ekki aldeilis heldur allir. Það var ráðist á neytendasamtökin, lífeyrissjóðina, nokkra útvalda listamenn, kirkjuna, Samtök atvinnulífsins og verkalýðshreyfinguna. Síðan var ráðist á Rauða krossinn og fleiri góðgerðarsamtök og flest hagsmunasamtök fengu að fylgja með. Það voru jú nokkrir athafnamenn sem áttu bankana ásamt nokkrum ráðherrum sem gáfum þeim bankana og afnámu allt eftirlit með fjármálastofnunum í framhaldinu sem báru ábyrgðina. Þeir lifa allir góðu lífi í dag. Við ráðumst aldrei á rótina.

Í máli Ólafs Skúlasonar sem framdi glæpi er séra Karl Sigurbjörnsson orðinn aðal glæpamaðurinn. Til hans leituðu konur sem töldu að Ólafur hefði brotið á þeim. Séra Karl gerði það eina rétta og benti þeim á að leita til lögreglunnar. Nú er hann vondi maðurinn í þessu máli og aðallega vegna bréfs sem hann sat á. Það var ekki glæpurinn í málinu. En svona er ísland í dag. Við dæmum aldrei glæpamennina, við erum svo góð og laus við hefnigirni. Við leggjum hinsvegar saklaust fólk í einelti í tíma og ótíma. Það er mannsbragur á þessu eða hitt þó heldur.