Myndi kaupa notaðan bíl af Gylfa og Rögnu

Mikið skelfing er gott að kosningarnar eru að baki. Þá getur fólk farið að tala mannamál á ný.

Allir hafa sigrað nema Sjálfstæðisflokkurinn. Meira að segja fóstbróðir minn og vinur, Sigmundur Ernir, er kominn á þing. Það fer vonandi vel - hann er drengur góður og vel innrættur. Og á mikla öðlingskonu, hana Ellu. Ég reyndi að fá hann til að lofa mér því að komast í einhverja góða nefnd. Hann gaf ekkert út á það - og þá varð ég glaður.

En mestan áhuga hef ég á að það taki við raunveruleg ný pólitík og ný hugsun - sem miðast við hagsmuni fólks, ekki flokka. Einn liður í því myndi vera að halda í utanþingsráðherrana, Gylfa og Rögnu. Þau tala mannamál og eru bæði þannig til augnanna að ég myndi þora að kaupa af þeim notaðan bíl. 

 

Athugasemdir

[Brattur, 26.4.2009 kl. 17:36]

Sjálfstæðisflokkurinn er stærsti sigurvegarinn... ótrúlegt að hann skyldi fá yfir 20% fylgi... eiginlega skandall...

Sammála þér með Gylfa og Rögnu... við verðum að halda í þau.

[Ía Jóhannsdóttir, 26.4.2009 kl. 19:10]

Já nú getur fólk vonandi andað léttar og farið að sinna sínum daglegu þörfum sem setið hafa á hakanum undan farna mánuði og e.t.v. léttist líka brúnin á fólki og það fer að brosa aftur.