Netanyahu er bulla

Það er létt í vasa fyrir Benjamín Netanyahu forsætisráðherra Ísraels að segjast geta fallist á sjálfstætt ríki Palestínumanna svo framarlega sem það verði vopnlaust ríki um alla framtíð og að Palestínumenn hafni Hamas-samtökunum í eitt skipti fyrir öll.

Vitaskuld er þetta ekki marktækt útspil enda bull sett fram í blekkingarskyni.

Ekki myndi ég vilja stofna sjálfstætt ríki við hlið herveldisins Ísraels og heita því að vera vopnlaus alla tíð. Reynslan sýnir að það er ekki vænlegt.

Og að hafna Hamas, samtökum sem sigruðu lýðræðislegar kosningar á  með yfirburðum, er álíka fráleit hugmynd - sama hvað haukunum í Ísrael eða á Íslandi kann að finnast.

Netanyahu er manna ólíklegastur til að koma á friði á hernumdu svæðunum. Hann ætti að fjúka miklu fyrr en Hamas.

 

Athugasemdir

[Sigurður Þór Guðjónsson, 14.6.2009 kl. 20:59]

Mér finnst þetta allt í lagi ef Ísrael myndi líka afvopnast. Góð lausn!

[Páll Jónsson, 14.6.2009 kl. 21:23]

Þarf ekki Hauka til að vera gegn Hamas, það er nóg að lesa þeirra eigin stefnuskrá.

En það er andskoti flókið mál þegar menn kjósa viljandi yfir sig svona skepnur.

[Ómar Ragnarsson, 14.6.2009 kl. 22:09]

Það þarf heldur ekki hauka til að vera gegn hinum harða Zíonisma sem er undirrót ástandsins í Palestínu.

[Páll Jónsson, 15.6.2009 kl. 00:48]

Sammála því, og það er algjör skandall að þessi ríkisstjórn sé við völd í Ísrael núna.

En það má ekki hunsa harða "íslamismann" sem hefur sprottið upp sem svar við því. Ég hef aldrei keypt þá hugmynd að Islam sé ofbeldisfyllri en önnur trúarbrögð (hefur fólkið sem segir slíkt virkilega kynnt sér hroðann sem þeirra eigin trúarbrögð boða?), en það verður að berjast gegn bókstafshyggju, í hvaða mynd sem hún birtist.

[Hólmfríður Bjarnadóttir, 19.6.2009 kl. 00:25]

Hroki Ísraelsmanna er þeirra veikleiki og þessi málfluttningur sýnir hvorki samningsvilja né skynsemi