Fréttamannaverðlaun dagsins

Fréttamannaverðlaun dagsins fær Helga Arnardóttir á Stöð 2 fyrir viðtal sitt við Jónas Fr. Jónsson í kvöld. 

Jónas hefur greinilega farið í fjölmiðlaþjálfun hjá einhverjum og ætlaði að nota sömu aðferð og hann beitti í fréttaskýringarþætti RÚV í gærkvöld - tala bara nógu andskoti mikið og hleypa engum spurningum að - en Helga lét hann ekki komast upp með neitt múður og gaf ekkert eftir.

Svei mér þá, ef hún minnti ekki á breska fréttamanninn Jeremy Paxman sem einhverju sinni bar upp sömu spurninguna fjórtán sinnum í beit - en fékk aldrei svar. 

Helga fékk hins vegar svarið sem hún vildi fá og við hin áttum skilið.

Nú er bara til eitt ráð handa Jónasi: ekki tala meira.

Athugasemdir

[Hólmfríður Bjarnadóttir, 13.4.2010 kl. 19:53]

Hún stóð sig vel.

[hilmar jónsson, 13.4.2010 kl. 19:54]

Bravisimó..

[Hildur Finnsdóttir (IP-tala skráð) 15.4.2010 kl. 01:24]

Sæll, bróðir!

Ein hérna dálítið aftarlega á merinni. Fylgdist einungis með Jónasi Fr. svara RÚV og er því engu nær. Viltu vera svo vænn að segja mér hvaða svar hin haldgóða Helga vildi fá og fékk og við hin áttum skilið?

P.s. Mér sýnist Salka vera fegurst ungmeyja. Hve gömul er hún? Er sjálf lukkuleg amma Flóka sem varð fjögurra ára um daginn. Gætu verið fínasta mats.

Kkv. HiFi  

[Ómar Valdimarsson, 16.4.2010 kl. 10:47]

Systir góð. Líttu á þetta: http://vefmidlar.visir.is/VefTV/?channelID=&programID=d93d6ddc-f3df-4c27-90e2-28d49738f306&mediaSourceID=5734415f-d0f1-4798-97b9-75ee37cf2f53&mediaClipID=54f15a14-0526-442d-ae06-258f452e7cfc

Salka fagra verður tveggja ára hinn 1. maí. Þess verður gætt mjög vandlega að hún fái maka sem verður henni samboðinn. Reglurnar eru í mótun en þær verða stífar!