Dírrin-dí

Nú er mér alveg sama um hitastigið, eldgos, pólitík og IceSave - vorið er komið. Til marks um það er lóur á grasblettinum fyrir utan gluggann minn.

Þau hafa verið hér undanfarin vor og sumur og ylja mér alltaf um hjartað.

Nú eru þau í hópi starra að næra sig. Karlinn sýnist að vísu hafa meiri áhuga á aksjón og flennir sig og glennir óspart við kerlinguna. Hún flýgur í burtu af og til...en kemur alltaf aftur. Þetta hlýtur að enda fallega.

Athugasemdir

[Erlingur hólm vald (IP-tala skráð) 23.4.2010 kl. 17:27]

Þetta  verður bara rigningasumar endalaus rigning og rok

[Guðmundur Júlíusson, 23.4.2010 kl. 19:23]

Hvar ertu staddur Ómar á landinu með Lóur í garðinum?

[Ómar Valdimarsson, 23.4.2010 kl. 21:40]

Þær eru við sjávarsíðuna í Fossvogi, Kópavogsmegin. Eitt og eitt æðarpar sýnist mér ég sjá vera að setjast upp. Smábátar eru komnir á flot á góðviðrisdögum og ræðarar að æfa sig. Meira að segja sást selur svamla hér um fyrr í vor. Yfir hverju á maður að kvarta þegar svona er?

[Hólmfríður Bjarnadóttir, 23.4.2010 kl. 23:04]

Sæll Ómar. Við í sveitinni (bý á Laugarbakka, rétt hjá Hvammstanga) hlustum á gæsirnar og helsingjana sem fylla túnin og éta af krafti. Vorið er komið og Sigmundur Davíð lítið í sjónvarpinu, hvað er hægt að biðja um meira.

Vel á minnst - selur - hér á Hvammstanga er verið að skvera eikarbát fyrir siglingar með ferðamenn í selaskoðun af sjó sem er mjög sérstök upplifun. Stutt en eftirminnileg ferð (ca 1 klukkustund) fyrir alla áhugamenn um íslenska náttúru.