Meira sponsorship?

Maður sat eins og lamaður eftir áhrifamikið og greinargott samtal Guðrúnar Ebbu Ólafsdóttur og Þórhalls Gunnarssonar í Sjónvarpinu í gærkvöld. Hún sýndi þar bæði hugrekki og visku.

Í framhaldinu hef ég farið að hugsa um annan vinkil á þessu viðtali. Sá vinkill kemur máli Guðrúnar Ebbu í raun ekkert við en er þessi:

Út er að koma bók sem vænta má að veki athygli og eftirvæntingu. Ríkisútvarpið-Sjónvarp ákveður að taka höfundana tali í sérstökum þætti á besta útsendingartíma. Samtímis setur útgefandinn í gang auglýsingaherferð þar sem vakin er athygli á sjónvarpsþættinum og að sala bókarinnar hefjist strax að honum loknum.

Er RÚV þá í samstarfi við bókaútgefandann? Ég man ekki til að hafa heyrt það nefnt í þættinum sjálfum eða kynningum á honum. 

Eru ekki fleiri bókaútgefendur sem myndu vilja komast í slíkt samstarf?

Athugasemdir

[Már Elíson, 11.10.2011 kl. 13:58]

Einmitt, Ómar,

Ég tók eftir þessu líka, en einhvernveginn, málefnisins vegna, þá leiddi ég hugann frá því að þetta gæti verið. En athyglivert mál engu að síður !