Annar farinn, hinn eftir

Það er ástæða til að óska Verzlunarmannafélagi Reykjavíkur til hamingju með úrslitin í stjórnarkjörinu og óska nýja formanninum velfarnaðar. Það er gott að félagsmenn fylktu liði um að hreinsa til í þessu félagi sem hefur of lengi lotið rangri stjórn. Gunnar Páll hefði átt að þekkja sinn vitjunartíma og fara með góðu í stað þess að láta kasta sér í burtu.

Ég er að vísu ekki í VR - en ég er í Lífeyrissjóði VR. Og nú er næst að hreinsa til þar. Það er auðvitað gjörsamlega út úr kortinu að forstjóri sjóðsins sé með 30 milljónir á ári í laun og aki um á Cadillac í eigu sjóðfélaga. Hvað væri að því að hafa 500 þúsund á mánuði og aka um á Volkswagen Polo?

Fyrst forstjóri Lífeyrissjóðs VR skilur það ekki sjálfur, er rétt að sjóðfélagar taki af honum ómakið og losi sig við hann eins fljótt og verða má.

 

Athugasemdir

[Hilmar Gunnlaugsson, 11.3.2009 kl. 18:25]

Ráðning Kristins er einkar ánægjulegt og mikilvægt að spilin voru stokkuð upp á nýtt.

[Sigurður Rúnar Magnússon, 11.3.2009 kl. 21:19]

Ég óska VR fólki til hamingju.  Nú er hitt stóra félagið eftir.  Efling stéttarfélag.

[Stefán (IP-tala skráð) 12.3.2009 kl. 10:19]

Ég tek undir þetta og óska nýjum formanni, stjórn og VR-félögum innilega til hamingju. Það er víða verið að moka skít út úr rotnum stofnunum núna sem betur fer. Af öllum stofnunum á Íslandi sýnist mér Fjármálaeftirlitið hafa verið einna rotnast undir stjórn Jónasar Friðriks og það þarf virkilega að rannsaka stjórnunarstíl hans, hvort að hann hafi verið handbendi bankaeigenda ?  

[corvus corax, 12.3.2009 kl. 10:50]

Það er ekkert skrítið að Fjármálaeftirlitið hafi verið rotið undir stjórn Jónasar Friðriks því sjaldan fellur eplið langt frá eikinni (eins og Newton fékk svo eftirminnilega að reyna hérna um árið). Er ekki þessi gapuxi Jónas sonur Jóns Magnússonar sem tróð sér inn í Frjálslynda flokkinn og hleypti þar öllu í bál og brand, var valdur að sífelldum ófriði innan flokksins og hætti síðan í flokknum af því að það var svo lítill friður þar. Lítill friður í flokknum af því að Jón Magnússon var sjálfur valdur að öllum ófriði í þeim flokki. "Sért er nú hvert fíflið" eins og kellíngin sagði.

[Marta smarta, 13.3.2009 kl. 00:02]

Rétt hjá þér Ómar og láta svo hendur standa fram úr ermum. 

Hvar eigum við að byrja ?  Spyr ein sem vill breytingar en kann ekki á kerfið.