Mér finnst...

...rétt að banna umsvifalaust Íslandsdeild Hell’s Angels.

...rétt að tryggja að orkulindirnar verði í almannaeigu.

...galið að ímynda sér að forsetinn muni synja staðfestingu á IceSave lögunum.

...í lagi að henda lit í hús bankaræningjanna – en því aðeins að hægt sé að þvo hann af með köldu vatni.

...rétt að sleppa Lýbíumanninum úr fangelsi í Skotlandi – en rangt hafi það verið gert í verslunarskyni.

...ömurlegt að sjá Mbl.is í kvöld hafa eftir Robert Gibbs talsmanni Hvíta hússins: “svo vítt sem ég veit.” Þetta hlýtur að vera af danskri vefsíðu. Einskonar kryddsíld.

...Stöð 2 hafa rangtúlkað Evu Joly í inngangi fréttar um helgina; í inngangi sagði að Eva segði fjármálaráðherrann í pólitískum vinsældaleik, fréttin sjálf stóð engan veginn undir þeim inngangi.

...sama gamla fýlan af ráðningu Guðjóns A. Kristjánssonar í sjávarútvegsráðuneytið.

...drepfyndið að fylgjast með unglingagreddu ‘séð & heyrt’ dálksins á DV.is þar sem hvert tækifæri er notað til að birta myndir uppí boruna á hálfnöktum leikkonum.

...lifandis ósköp gott að IceSave sé frá (altént í bili) svo að Framsóknarmenn á þingi geti að minnsta kosti komist á klósettið.

...ljóst að ég þurfi að selja gítarinn minn; maður fer ekki langt á E-hljómnum einum.

Athugasemdir

[Hólmfríður Bjarnadóttir, 31.8.2009 kl. 23:59]

Sæll Ómar

Margt er það sem þú nefnir og ég er sammála þér með flest. Varðandi Adda Kidda Gau eða Guðjón Arnar, þá finnst mér ágætt að hans sérþekking á kvótamálum sé nýtt í endurskoðun á því kerfi. Varandi "fýluna" af ráðningunni við ég benda á nýtt hreinsiefni sem ku eyða allri skítalykt.

Afskaplega er leitt þetta með gítarinn, hvernig gróa fingurnir. Svona eitt að lokum, móðursystir mmím spengdi af sér alla fingur á vinstri hendi 14 ára gömul og hafði bara stubb sem náði fram um hálft handarbak. Hún prjónaði, sauðmaði föt og allt mögulegt fyrir fólk og fór sem kokkur á síld. Hún var fædd í byrjun 20. aldarinnar.

[Ía Jóhannsdóttir, 1.9.2009 kl. 08:09]

Mér finnst......þú bara góður að pikka á takkaborðið enda vorum við með góðan kennara þar sem Ragnhildur var og hét. 

Hvað viðkemur E strengnum, bíddu aðeins það liggur ekkert á að selja gítarinn enda argo, þú færð ekkert fyrir hann í dag heheheh..Love to you roy boy

[Sigurður Hreiðar, 1.9.2009 kl. 16:27]

Velkominn aftur, félagi, vonandi heill handa.

Sammála mörgum þeim skoðunum sem þú lýsir hér að ofan, amk. þrem efstu.

[Ingvar Valgeirsson, 8.9.2009 kl. 12:13]

Varðandi það síðasta, þá skal ég kenna þér bæði G og A. Jafnvel moll líka.