Blaðamenn til fyrirmyndar

Það er ástæða til að óska Jóhanni Haukssyni blaðamanni á DV hjartanlega til hamingju með Blaðamannaverðlaunin. Hann er einstaklega vel að þeim kominn - lætur ekki kjaftagang, mas og hávaða villa sér sýn.

Það sama má segja um rannsóknarblaðamann ársins, Þórð Júlíusson á Viðskiptablaðinu (áður á Mogganum) sem hefur staðið sig forkunnar vel við að útskýra og greina hrunið, orsakir þess og afleiðinga, á skýran og óvenju vel hugsaðan hátt. Þessir menn báðir eru stétt sinni til fyrirmyndar. 

Og ekki skal gleyma að óska Lóu Pind Aldísardóttur á Stöð 2 til hamingju með sín verðlaun fyrir látlausa viðleitni til að tala máli venjulegs fólks sem á undir högg að sækja í kjölfar hrunsins - miklu frekar en dólgarnir sem fá allt afskrifað.

Athugasemdir

[Andrés Kristjánsson, 6.3.2010 kl. 18:50]

Svo sannarlega.

[ASE (IP-tala skráð) 6.3.2010 kl. 18:59]

Langar að fá að nota þetta tækifæri og taka undir með þér og óska þeim til hamingju með verðskuldaða viðurkenningar.  Sérstaklega reyni ég aldrei að missa af Jóhanni Haukssyni

[Hólmfríður Bjarnadóttir, 6.3.2010 kl. 22:24]

Sæll Ómar, tek heilshugar undir með þér og sendi hamingjuóskir til þeirra sem þar unnu til verðlauna. Þarna eru á ferðinni frábærir fjölmiðlamenn sem vinna í því mikla spillingarfeni sem hér er. Það er mikill vandi og flókið verk að vinna trúverðugar og markvissar fréttir á Íslandi í dag.

[Rekkinn (IP-tala skráð) 7.3.2010 kl. 00:28]

Munurinn á Jóhanni Haukssyni og góðum fréttamanni er að Jóhann segir eigin skoðanir en engar fréttir.

[Ómar Valdimarsson, 7.3.2010 kl. 16:55]

Rekkur - þú verður að gera greinarmun á bloggi Jóhanns og fréttum og fréttaskýringum.