Frekja íþróttabölsins

Þá hefur það verið staðfest enn eina ferðina að mikill minnihluti þjóðarinnar er fylgjandi því endalausa og óstöðvandi íþróttaæði sem Ríkisútvarpið (og reyndar allir aðrir miðlar) eru að kafna úr. Mikill meirihluti landmanna kýs menningartengda afþreyingu, samkvæmt nýrri könnun Félagsvísindastofnunar HÍ.

Ég hef lengi látið íþróttafárið fara í taugarnar á mér – ekki vegna þess að ég sé á móti íþróttum eða vegna þess að ég er áhugalaus um þær, heldur vegna frekjunnar í íþróttunum og þeim sem eiga sér þær að helsta áhugamáli. Sótti meira að segja einu sinni um stöðu útvarpsstjóra til þess eins að koma þessu sjónarmiði á framfæri. (Fékk náttúrlega ekki djobbið, sem betur fer)

Menningin er miklu kurteislegri en íþróttabölið – eða man einhver eftir að fréttum hafi verið frestað og dagskrá öll riðlast vegna beinnar útsendingar á lestri úr nýrri bók eða frumsýningu á leikriti eða tónleikum karlakórs?

Þetta er það sem meirihluti þjóðarinnar er áhugasamur um, samkvæmt könnuninni. Miklu fleiri kjósa menningar- og listatengt efni í sjónvarpi umfram íþróttir.

Auðvitað þarf líka að sinna þeim háværa minnihluta sem hefur áhuga á íþróttum (aðeins 37,7% úrtaks HÍ sótti íþróttaviðburð á síðasta ári, margfalt fleiri sóttu menningar- og listatengda atburði) - en dagskrá Ríkisútvarpsins mætti alveg endurspegla þennan raunveruleika.

Athugasemdir

[Grefillinn Sjálfur - Koma svo! (IP-tala skráð) 11.3.2010 kl. 18:01]

Mér finnst allt of lítið sýnt af glímu í sjónvarpinu. Myndi gjarnan vilja hafa a.m.k. einn glímuþátt í viku, t.d. í staðinn fyrir eitthvern þessara læknaþátta.

Glíma sameinar íþróttir, listir og menningu og er því kjörinn dagskrárliður fyrir alla aldurshópa.

[Stefán Örn Valdimarsson (IP-tala skráð) 11.3.2010 kl. 18:13]

Íþróttir er menning.

[Hildur Helga Sigurðardóttir, 11.3.2010 kl. 18:35]

Hef ekkert á móti íþróttum sem slíkum, nema síður sé.

Tek þó heilshugar undir þetta með yfirgengilega frekju og yfirgang þeirra, sem þeim stjórna -og að því er virðist öðrum dagskrárliðum í leiðinni- hjá þér Ómar.

[Helga Kristjánsdóttir, 11.3.2010 kl. 18:39]

    Mikill meirhluti landsmanna kýs,  ég vil svara því til,að mikill meirihluti unglinga og barna,er ekki spurður. Ég upplifi íþróttaviðburði í beinni!, sem fjölskyldu skemmtun,þar sem börnin og unglingarnir,koma sér þægilega fyrir,matreiddir góðir réttir,skrafað og spáð í úrslit.

[Birgir Þór Bragason, 11.3.2010 kl. 19:28]

Þetta er nú grátlega að lesa þetta „ Menningin er miklu kurteislegri en íþróttabölið“

Ef grant er skoðað þá kemur í ljós að listir og menning fá um það bil 7 sinnum hærri fjárframlög úr ríkissjóði en allar íþróttir. Þannig hefur það verið um árabil.

[magnús steinar (IP-tala skráð) 11.3.2010 kl. 21:38]

Þar mjálmaði gerfielítan,hver tekur mark á þessari snobbstofnun?

[Dingli, 12.3.2010 kl. 01:52]

Ómar! (aðeins 37,7% úrtaks HÍ sótti íþróttaviðburð á síðasta ári, margfalt fleiri sóttu menningar- og listatengda atburði) 37,7% er nú all stórt hlutfall, er það ekki? Margfalt fleiri! Hversu háa % tölu ert þú komin með, 200%?

Fyrtr utan þá sem  sækja heim vellina og Íþróttahúsin, er áhorf á stórviðburði mjög mikið. Auk þess sækja margir af þessum 37,7% aðra menningar og listviðburði en íþróttakappleiki,