Alveg eins og hinir

Jón Gnarr, tilvonandi borgarfulltrúi í höfuðborginni, var...hmm, athyglisverður í Kastljósi sjónvarpsins í kvöld. Þar gekk Helgi Seljan á frambjóðandann með skýrum og klárum spurningum en fékk yfirleitt ekki svör sem hann taldi fullnægjandi.

Jón var nefnilega eins og álfur út úr hól. Vissi fátt um málefni borgarinnar, sló úr og í, kenndi félaga sínum um skandalana og var ekki með lausnir á neinum málum.

Hmmm, alveg eins og hinir frambjóðendurnir. 

Athugasemdir

[DoctorE (IP-tala skráð) 4.5.2010 kl. 08:03]

Já hann var ferlega slappur í kastljósinu.. ég hafði vel hugsað mér að kjósa hann... runnu á mig 2 grímur í gær, en samt getur hann varla verið verri en hitt slorpakkið

[Svanhildur (IP-tala skráð) 4.5.2010 kl. 10:56]

Eftir að hafa heyrt í Jóni Gnarr á Rás 2 í gær og séð hann í Kastljósi velti ég því fyrir mér hvort að það sé ekki úthugsað plott hjá oddvitanum að koma sér út úr brandaranum með því að koma frekar illa út úr viðtölum?! Hluti af prógramminu að fæla fólk bara frá núna þegar brandarinn er kannski bara búinn? Bestiflokkurinn hefur gert gagn á marga vegu í umræðunni, burt séð frá því hvort að hann fái fulltrúa í borgarstjórn. Bestiflokkurinn hefði mátt blanda sér í pólitíkina í fleiri bæjarfélögum, meðal annars Kópavogi þar sem ég bý.

[Ómar Bjarki Kristjánsson, 4.5.2010 kl. 16:53]

Mér finnst þetta áhugavert, þ.e. sem sérstakur áhugamaður um grínframboð.

Það kemur að ákeðnum mörkum eða tímapunkti hjá slíkum framboðum.  Sem sagt að það kemur að mörkunum - þegar það lítur út fyrir að þau fái etv. eitthvert fylgi !

Þá þarf að gera upp við sig:  Á strategían að vera grín - eða alvara.  Þar er efinn.  Jón virðist hafa tekið upp þá línu að vera grín og alvara í bland.

Að mínu áliti var fyndið í upphafi að punkturinn átti að vera þægileg innivinna með sæmilegt kaup, þyrfti ekkert að mæta í vinnu og frítt internet.  Það var fyndið.

En þegar kom að stefnumálunum, ísbjörninn og þetta - það er ekkert fyndið (að mínu áliti)  og núna það nýjasta:  Ættleiða róna !  Og BNA menn væru svo klikkaðir o.s.frv.  Meina, þetta er ekkert fyndið.  Þetta er bara rugl !

Það sem Helgi leiddi í ljós í viðtalinu var, að Jón hefur ekkert vit á sveitastjórnarmálum.  Það að vera alvarlegur í bland - virkar einfaldlega ekkert ef menn hafi ekki einföldustu svör á takteinum.

Td. með dagvistunarmál.  Það á að fjármagna þau með tollahlið á Seltjarnanes.  Eh sorrí, það er ekkert á valdsviði Borgarstjónar að setja það upp !

Að mínu áliti er frmboðið soldið eins og súrreaísk grínútgáfa af ástandinu hérna á svokölluðu "góðæristíma"  Einhver þvæla bara.

En jú jú, verður frólegt að sjá hve margir vilja svona fyrirkomulag.  Það verðu mjög fróðlegt.

[Þórhallur Heimisson (IP-tala skráð) 4.5.2010 kl. 20:17]

Helgi er frábær fréttamaður - og aftur góður í kvöld í Kastljósinu

[Magnús Jón Aðalsteinsson (IP-tala skráð) 5.5.2010 kl. 06:55]

Jón er alveg í hlutverkinu, hann er ekki ráðagóður, hann kemur með loforð sem hann ætlar ekki að efna.. Hann kemur með bakgrunn sem ekki er hreinn, kemur með asnalegar afsakanir fyrir því, kennir samstarfs og sameiganda um hugsanleg mistök. Hann er að leika ekta spilltan stjórnmálamann sem vill feitt embætti án þess að hafa nokkuð í það að gera. Eginhagsmunapotara. Og það fyndna við þetta er að fólk er að taka þetta alvarlega.